Testo: 'A quanno simmo scise 'a st' azienda
e nu' cuntratto era nove e trenta
e faticammo sulo pe sapè
si ce ‘a putimmo fane ppe campà.
Ce ‘scrivemmo 'o sindacato
costruiemmo 'o comitato
e accuminciave 'a vita
chine 'e lotte ‘e unità.

T'a vuo’ fa fà 'na tessera 
t'a vuo’ fa fà 'na tessera 
jammo fattella fà
chiene ‘e bullini
tu pe’ ‘sti sorde ccà
c’ ‘e rinfurzato già
jammo uagliò jammo figliò
faciteve tesserà.

Ma pe’ ‘sta cartuscella benedetta
ci porta sempre uniti nelle lotte
e t'ammo fatta cose 'e stravedè
da nove e trenta a ottomila e tre
e perciò non vi avvilite
chillo è 'o scopo de ‘sta vita 
e nun ve stancate maie
'e ghì ricenno 'a ccà e 'a llà.

T'a vuo’ fa fà 'na tessera 
t'a vuo’ fa fà 'na tessera 
jammo fattella fà
tene ‘e bullini
tu pe ‘sti sorde ccà
c'’e rinfurzato già
jammo uagliò jammo figliò
faciteve tesserà.

Dall'intellettuale a 'o commerciante
dal manovale 'a classe bracciantile
so’ iscritte a CGIL neh pecchè?!
chè 'e sfruttatori 'e vonne fa fernì
e i patrune pe’ industriali
preoccupate 'e sta canzone
e mo vonno fa paura 
all'operaie 'e sta città.

Si tu te faie 'a tessera 
si tu te faie 'a tessera 
e questa sera sei licenziato
nun me fà vummecà
cerca d'arraggiunà
questa è la legge
costituita dalla libertà.

Canzone filo-sindacale che esorta gli operai ad iscriversi alla CGIL per difendersi dallo sfruttamento dei padroni e degli industriali. Il brano è costruito come parodia sulla musica della nota canzone napoletana Fatte fa’ ‘a foto,  scritta nel 1947 da Gigi Pisano su musica di Luigi Cioffi e portata al successo tra gli altri da Nino Taranto.